نغــــــــــــــــــــم ســـــــــــــــــــــــــوداني
--------------------------------
نفسي في داخلك اعاين / يحي فضل الله
------------------------------------
نفسى فى داخلك أعاين
وأروى روحى وأشوف منابعك
الصحرا فى عينيا تتواثب جناين
ماخدة صوتك من جداول
وما خدة صورتك من كهارب
مولداً ميدانو حافل
كلما يصبـِّح ... تجيهو الناس جحافلْ
يا سلام
**********
لمـّا تعبرى فى الشوارع
شوفى كيف الناس تصارع
ناس تطفـِّر .. وناس تد فـِّر
فى البشابى على نجومك
وفى البخبْ .. كايس تخومِك
وكل زول من عِنْ سُلافك ..
لا لا .. قال دايرلُو كاسْ
********
مرّة طربان .. شلت صوتك شان أغني
قلت آه ياليل .. وآه
إنتى أول .. وإنتى تانى .. وإنتى تالت
وإنتى رابع
نافرة زى صيد الخلا
وصافية زى نبع المنابع
وقلتى لى غناى .. خلاص
*********
حلوة عينيك زى صحابي
عنيدة كيف ... تشبه شريحتين من شبابي
حلوة عينيك زى صحابي
وزى عِنب .. طوّل معتـّق فى الخوابي
وسمحة زى ما تقول ضيوفاً .. دقـّوا بابي
.. فرحى بيهم سال .. ملا .. حتى الكبابي
الثلاثاء أبريل 23, 2013 1:25 pm